የህዝብ ተወካዮች ምክር ቤት የአዳዲስ የመንግስት ባለስልጣናትን ሹመት አፀደቀ

ዶክተር ደብረፂዮን  ገብረሚካዔል  ምክትል ጠቅላይ ሚኒስትር

አቶ ሙክታር ከድር  ምክትል ጠቅላይ ሚኒስትር

ዶክተር ቲወድሮስ አድሃኖም  የውጭ ጉዳይ ሚኒስትር

ዶክተር ከሰተብርሃን አድማሱ  የጤና  ጥበቃ ሚኒስትር

አቶ ከበደ ጫኔ  የንግድ ሚኒስትር ሆነው ተሾመዋል።

አቶ ሙክታር ከድር በምክትል ጠቅላይ ሚኒስትር ማዕረግ የመልካም አስተዳደር ማሻሻያ ዘርፍ አስተባባሪና የሲቪል ሰርቪስ ሚኒስትር ሆነው ይሰራሉ።

ዶ/ር ደብረጽዮን ገብረሚካኤል በምክትል ጠቅላይ ሚኒስትር ማዕረግ የፋይናንስና የኢኮኖሚ ዘርፍ አስተባባሪ እና የመገናኛና የኢንፎርሜሽን ቴክኖሎጂ ሚኒስትር በመሆን ነው የተሾሙት።።

በዚህም የኢትዮጵያ  መንግስት አስቅድመው  በምክትል  ጠቅላይ ሚኒስትርነትና  የትምህርት ሚኒስትርነት የተሾሙትን  አቶ ደመቀ መኮንን ጨምሮ  ሶስት ምክትል ጠቅላይ ሚኒስትሮች ይኖሩታል  ማለት ነው።

ዶ/ር ቴዎድሮስ አድኃኖም ደግሞ ከጤና ጥበቃ  ሚኒስትርነታቸው ተነስተው ነው የውጭ ጉዳይ ሚኒስትር ሆነው የተሾሙት። በምትካቸው የቀድሞው የጤና ጥበቃ ሚኒስትር ዲኤታ ዶ/ር ከሰተብርሃን አድማሱ የጤና ጥበቃ ሚኒስትር ሆነው ተሹመዋል፡፡